Skip to main content

Navaratri kolam

Navrathri kolam For 9 days - Easy Navratri kolam Simple 2

Thiruvilakku pooja 108 potri in Tamil |தமிழில் 108 போற்றி -திருவிளக்கு வழிபாடு









ஓம் 


1.பொன்னும் மெய்ப்பொருளும் தருவாய் போற்றி 
2.போகமும் திருவும் புணர்ப்பாய் போற்றி
3.முற்றறிவு ஒளியாய் மிளிர்ந்தாய் போற்றி
4.மூவுலகும் நிறைந்திருந்தாய் போற்றி
5.வரம்பில் இன்பமாய் வளர்ந்திருந்தாய் போற்றி
6.இயற்கையாய் அறிவொளி ஆனாய் போற்றி
7.ஈரேழுலகம் ஈன்றாய் போற்றி
8.பிறர்வயமாகா பெரியோய் போற்றி
9.பேரின்பப் பெருக்காய் பொலிந்தாய் போற்றி
10.பேரருட்கடலாம் பேரருளே போற்றி
11.முடிவில் ஆற்றல் உடையாய் போற்றி
12.மூவுலகும் தொழ மூத்தோய் போற்றி
13.அளவிலாச் செல்வம் தருவாய் போற்றி
14.ஆனந்த அறிவொளி விளக்கே போற்றி
15.ஓம் எனும் பொருளாய் உள்ளோய் போற்றி
16.இருள் கெடுத்து இன்பருள் எந்தாய் போற்றி
17.மங்கள நாயகி மாமணி போற்றி
18.வளமை நல்கும் வல்லியே போற்றி
19.அறம் வளர் நாயகி அம்மையே போற்றி
20.மின் ஒளி அம்மையாம் விளக்கே போற்றி
21.மின் ஒளி பிழம்பாய் வளர்ந்தாய் போற்றி
22.தையல் நாயகித் தாயே போற்றி
23.தொண்டர் அகத்தமர் தூமணி போற்றி
24.முக்கட் சுடரின் முதல்வி போற்றி
25.ஒளிக்குள் ஒளியாய் உயர்வாய் போற்றி
26.சூடா மணியே சுடரொளி போற்றி
27.இருள் ஒழித்து இன்பம் ஈவோய் போற்றி
28.அருள் பொழிந்து எம்மை ஆள்வோய் போற்றி
29.அறிவினுக்கு அறிவாய் ஆனாய் போற்றி
30.இல்லக விளக்காம் இறைவி போற்றி
31.சுடரே விளக்காம் தூயாய் போற்றி
32.இடரைக் களையும் இயல்பினாய் போற்றி
33.ஏரி சுடராய் நின்ற இறைவி போற்றி
34.ஞானச் சுடர் விளக்காய் நின்றாய் போற்றி
35.அருமறைப் பொருளாம் ஆதி போற்றி
36.தூண்டு சுடரனைய ஜோதி போற்றி
37.ஜோதியே போற்றி சுடரே போற்றி
38.ஓதும்  உள்ளொளி  விளக்கே போற்றி
39.இருள் கெடுக்கும் இல்லக விளக்கே போற்றி
40.சொல்லக விளக்காம் ஜோதி போற்றி
41.பலர் காண் பற்பல விளக்கே போற்றி
42.நல்லக நமச்சிவாய விளக்கே போற்றி
43.உலப்பிலா ஒளி வளர் விளக்கே போற்றி
44.உணர்வு சூழ் கடந்ததோர் விளக்கே போற்றி
45.உடம்பெனும் மனையக விளக்கே போற்றி
46.உள்ளத் தகளி விளக்கு விளக்கே போற்றி
47.மடம்படு உணர் நெய் விளக்கே போற்றி
48.உயிரெனும் திரிமயக்கு விளக்கே போற்றி
49.இடம்படும் ஞானத் தீ விளக்கே போற்றி
50.நோக்குவார்க்கு எரி கொள் விளக்கே போற்றி   
51.ஆதியாய் நடுவுமாகும் விளக்கே போற்றி  
52.அளவிலா அளவுமாகும் விளக்கே போற்றி  
53.ஜோதியாய் உணர்வுமாகும் விளக்கே போற்றி  
54.தில்லைப்  பொது நட விளக்கே போற்றி  
55.கற்பனைக் கடந்த ஜோதி போற்றி 
56.கருணையே உருவாம் விளக்கே போற்றி  
57.அற்புத கோல விளக்கே போற்றி  
58.அருமறை  சிரத்து விளக்கே போற்றி  
59.சிற்பர  வ்யோம விளக்கே போற்றி  
60.பொற்புடன் நடஞ்செய் விளக்கே போற்றி 
61.உள்ளத்திருளை ஒழிப்பாய் போற்றி  
62கள்ளப் புலனைக் கரைப்பாய் போற்றி 
63.உருகுவோர் உள்ளத்து ஒளியே போற்றி 
64.பெருகருள் சுரக்கும் பெரும போற்றி 
65.இருள் சேர் இருவினை எரிவாய் போற்றி 
6.அருவே உருவே அருவுரு போற்றி 
67.நந்தா விளக்கே நாயகியே போற்றி 
68.செந்தாமரைத் தாள் தந்தாள்  போற்றி 
69.தீப மங்கள ஜோதி போற்றி 
70.மதிப்பவர் மனமணி விளக்கே போற்றி 
71.பாகம் பிரியா பராபரை போற்றி 
72.ஆகம முடிமேல் அமர்ந்தாய் போற்றி 
73.ஏகமும் நடஞ்செய் எம்மான் போற்றி 
74.ஊழி ஊழி உள்ளோய் போற்றி 
75.ஆழியான் காண அடியே போற்றி 
76.ஆதியும் அந்தமும் ஆனாய் போற்றி 
77.அந்தமில் இன்பம் அருள்வோய் போற்றி 
78.முந்தைய வினையை முடிப்போய் போற்றி 
79.பொங்கும் கீர்த்தி பூரண போற்றி 
80.தண்ணருள் சுரக்கும் தாயே போற்றி
81.அருளே உருவாய் அமைந்தோய்  போற்றி 
82.இருநில மக்கள் இறைவி போற்றி 
83.குருவென ஞானம் கொடுப்போய் போற்றி 
84.ஆறுதல் எமக்கிங்கு அளிப்போய் போற்றி 
85.தீதெலாம் தீர்க்கும் திருவே போற்றி 
86.பத்தியில் ஆழ்ந்த பரமே போற்றி 
87.எத்திக்கும் துதி எய்ந்தாய் போற்றி.
88.அஞ்சலென்றருளும் அம்மையே போற்றி 
89.தஞ்சமென்றவரை  சார்வோய் போற்றி 
90.ஓதுவார் அகத்துறை ஒளியே போற்றி 
91.ஓங்காரத்து உள்ளொளி  விளக்கே போற்றி 
92.எல்லா உலகமும் ஆனாய்போற்றி
93.பொல்லா வினைகள்   அறுப்பாய் போற்றி 
94.புகழ்ச்சேவடி என்மேல் வைத்தாய் போற்றி 
95.செல்வாய செல்வம் தருவாய் போற்றி 
96.பூங்கழல் விளக்கே போற்றி! போற்றி !
97.உலகம் உவப்புற வாழ்வருள் போற்றி 
98.உயிர்களின் பசிப்பிணி ஒழித்தருள் போற்றி 
99.செல்வம் கல்வி சிறப்பருள்போற்றி 
100.நல்லன்பு ஒழுக்கம்  நல்குவோய் போற்றி 
101.விளக்கிட்டார் மெய்நெறி விளக்குவாய் போற்றி 
102.நலம் எலாம் உயிர்க்கு நல்குவாய் போற்றி 
103.தாயே நின்னருள் தந்தாய் போற்றி 
104.தூய நின் திருவடி தொழுதனம் போற்றி 
105.போற்றிஎன்பார் அமரர் விளக்கே போற்றி
106.போற்றிஎன்பார் மனிதர் விளக்கே போற்றி
107.போற்றிஎன் அன்பொலி விளக்கே போற்றி
108.போற்றி!போற்றி! திருவிளக்கே போற்றி

 ஓம் ஐம் ஹ்ரீம் ஸ்ரீம் 

1.அருளுபதேசம் செய்யும் அவருள்ளே குருவடிவாய் இருந்து 
  அருள்வாய் போற்றி
2.வக்கிர துண்டரின் வடிவாய் விளங்கி 
  விக்கின விநாசம் செய்வாய் போற்றி 
3.வாக்கினில் வாணி வடிவாய் விளங்கி
   வாக்கு வண்மையை  அருள்வாய்  போற்றி
4.பல் வகை நன்மையையும் இன்பமும் பயக்கும் 
செல்வம் தந்தருள் செல்வியே போற்றி
5.பழமையை ஒழித்து புதுமையைப் பெற்றிட 
   அழிவு செய் சக்தியாம் அபர்ணையே  போற்றி
6.அறுமுகன் வடிவாய் அசுரர் குழுவினைச்
  செறுதல்  செய்யும் தேவியே போற்றி
7.சிவனெனும் வடிவாய் தேவி நீயமர்ந்து 
  பவமதை அறுப்பாய் பரையே போற்றி
8.திருமால் உருவாய் திகழ்ந்திடும் தேவி 
   கருமேகமென்னும் கருணையே போற்றி
9.இராமரின் உருவாய்  இராவணற் செற்று
    தராதலங் காத்த தருணீ போற்றி
10.கண்ணனின்  உருவாய் வேய்ங்குழல் ஊதி 
    அண்ணல் கீதையை அருளினாய் போற்றி
11.வாராஹி யென்னும் சேனாபதியாய் தேரரை 
     அழிக்கும் தெய்வமேபோற்றி
12.மந்திர நாயகி சியாமளை என்னும் 
    மந்திரிணி ஆகிய மகதீ  போற்றி
13.ஐந்தொடு  நான்கு ஆவரணங்களில் உறை 
     மைந்துடை யோகினி கணமே போற்றி
14.சக்கர ராஜமாம் ஸ்ரீ சக்கரத்தினில்  
      செக்கர் போன்றொளிரும் சிவையே போற்றி
15.கலியை அகற்ற கருணையால் உருவாய் 
     லலிதையாய்வந்த  நலிவிலாய்  போற்றி
16.அருவமாய் எங்கும் அனைத்திலும் நிறைந்த 
     பிரம்மமே உள்ள பிரசமே போற்றி!

ஈசுரர் தேவர் இடிகள் மனிதர் 
பாசுரமாகிய  பருதி சந்திரன் 
மொய்ம்புடைச் சக்திகள் முடிவிலா உயிர்கள் 
ஐம்பெரும் பூதம் அனைத்துமாயிருந்தும் 
அல்லாதுயர்ந்த அன்னையே லலிதா !
பொல்லாமையில்லா நல்லாய் நாமம் 
பதினாறு சொல்லி பாமலர் பொழிந்தேன் 
பொதுவிலாதருள்வாய்  போற்றி!போற்றி!

பெருகிடும் செல்வம் நிறைந்திட வீட்டில் 
பெரியவர் பிள்ளைகள் பிணி நோய் ஒன்றுமில்லாமல் 
 உவப்பொடு வாழ்ந்திட நாளும் 
மருமலர் தூவி வழிபடும் யாங்கள் 
மகிழ்ந்திட வரங்களைத் தருவாய் 
திருவிளக்குருவாய்த்  திகழ்ந்திடும் லலிதா 
தேவியே ! பெரியநாயகியே !


மேற் கண்ட 108 போற்றியை  திருவிளக்கினை ஐந்து முகமும் ஏற்றி பூ அல்லது  குங்குமம் கொண்டு திருவிளக்கின் பாதத்தில்  அர்ச்சிக்கவும் .வெள்ளிக்கிழமைகளில் காலை அல்லது மாலை வேளையில் செய்யவும் .


நைவேத்தியம் 

 பால் பாயசம் 

சக்கரைப் பொங்கல் 

புட்டு 

இவற்றில் ஒன்று வெல்லம் உபயோகித்து படைக்கலாம் 


வாழைப்பழம் ,தாம்பூலம் முடிந்தால் தேங்காயும் வைத்து நைவேத்தியம்
செய்யலாம்  .முன்னரே ஒரு பதிவு  போட்டிருக்கிறோம். இது எளிதாக்கி 
போட்டிருக்கின்றோம். 

இந்த  திருவிளக்கு வழிபாடு தேவி லலிதாம்பிகையை வழிபடும் எளிதான முறை .  ஸ்ரீ பார்வதி,ஸ்ரீ மஹாலக்ஷ்மி ,ஸ்ரீ ஸரஸ்வதி  மூவருடன்  ஸ்ரீ சக்கரத்தினில் விநாயகர் ,ஆறுமுகன் ஸ்ரீ மஹாவிஷ்ணு ,பிரம்ம தேவர் மற்றும் ஸப்த மாதாக்களுடன் லலிதாம்பிகை நடுநாயகமாக ஸ்ரீ சதாசிவத்துடன் கம்பீரமாக வீற்றிருக்கிறாள். நன்னிலம் ரயில்வே ஸ்டேஷன்  அருகே சுமார் 1 கி .மீ தொலைவில் திருமீயச்சூர் என்னும் ஸ்தலத்தில் ஸ்ரீ லலிதாம்பிகை ஸமேத மேக நாதர் கோயில் உள்ளது . தேவார பாடல் பெற்ற ஸ்தலம் .நல்ல சிற்ப வேலைப்பாடுகளுடன் அமைதியான சூழ் நிலையில்  அமைந்துள்ளது.சென்று வணங்கி  பயன் பெருங்கள் .


லலிதாம்பிகை தனக்கு காலில் -திருவடியில் கொலுசு போடாமல் இருக்கிறது .கொலுசு அணிவிக்க வேண்டும்  என்று தன் பக்தரான பெங்களூரூரைச் சேர்ந்த ஒரு அம்மையாரிடம் கனவில்தோன்றி  
  கூறியுள்ளாள்.அவர்கள்எங்கு  கோயில் கொண்டுள்ளாள் என்று தெரியாமல் , விசாரித்து வருகையில் தமிழ் பக்தி மலர் புத்தகத்தில் லலிதாம்பிகை படத்துடன் திருமீயச்சூர் ஸ்தலம் விபரத்தைப் பார்த்து அங்கு சென்று கோயில் அர்ச்சகரிடம் கனவில் சொல்லியதை கூற அர்ச்சகர் அம்பாள் விக்கிரகத்தில் காலில் கொலுசு அணிவதற்கு ஒரு துவாரம் இருப்பதைக் கண்டறிந்து பின்னர் கொலுசு அணிவித்து வணங்கினார்கள் .

இவ்வூருக்கு அருகிலேயே திருவீழிமிழலை என்னும் தேவார பாடல் பெற்ற ஸ்தலம் உள்ளது . கி .பி 7ம் நூற்றாண்டில் சம்பந்தரும் அப்பர் பெருமானும் இங்கு வந்த பொழுது மிகவும் பஞ்சம் வந்து மக்கள் உணவிற்கே வழியின்றி தவித்தார்கள் . இதனைப் பார்த்த இருவரும் சிவனைத் துதித்து தேவாரம்பாட  தினந்தோறும் அங்கு கோயில் பிரகாரத்தில் இருக்கும் பிள்ளையார் சன்னிதியில் சிவபெருமானின் அருளால் ஆளுக்கு ஒரு பொற்காசு -தங்க நாணயம் கிடைத்தது . அதை வணிகர்களிடம் கொடுத்து அதற்கான பணம் பெற்று மக்களின் பசியாற்றியுள்ளார்கள் .அந்த பிள்ளையாருக்குப் பெயர் படிக்காசு பிள்ளையார் . இங்குள்ள கோயில் சிற்பங்கள் மிகவும் நுணுக்கமானவை .பின்னர் வந்த கோயில் கட்டும் சிற்பிகள் கோயில் கட்ட ஒப்பந்தம் செய்யும்போது திருவீழிமிழலை கோயில் சிற்பங்கள் நீங்கலாக என்று எழுதுவார்கள் . ஒருமுறை சென்று தரிசித்து பயன் பெறுங்கள் .



   
 
















தொழுதனம்






















Comments

Popular posts from this blog

HOW TO DO THIRUVILAKKU POOJA IN TAMIL - FRIDAY LAKSHMI POOJA

When we shared ourfriday pooja & Hridaya kamalam kolams, a reader asked me to share our friday pooja procedures in detail.So in this post,i have shared my wife’s method of doing Lakshmi pooja on Friday.I won’t say this is the authentic method.But my mom & my wife has been following this procedure for more than 40 years in our house each Friday.Now my daughter-in-law is also performing the same.In this post,i have written how to make Lakshmi poojai with Thiruvilakku poojai kolam,Hridayakamalam kolam and thiruvilakku pooja stotram/slokas along with 108 potri in tamil. i.e Archanai slokam in Tamil.I have tried my best to explain the pooja procedures.Hope u will find it helpful.I have attached all the sloka pictures from our book “ Jayamangala sthothram”. I have also typed the Shodasha upachara pooja sthothram in Tamil & English. If u want to use this pictures in your website,please ask our permission.Thanks for understanding.Please leave a comment here if its helpful for you…

How to make thirikadugam powder | Trikatu churna | Step by step pictures, procedure

Thirikadugam / trikatu churna ( திரிகடுகம் ) is a wonderful Siddha & Ayurvedic medicine which can be  prepared in our home. Last year, we saw a telecast programme on "Siddha & Ayurvedic medicines" titled as "parambaria maruthuvam"(பாரம்பரிய மருத்துவம் ) in Zee T.V Tamil channel by a well qualified & experienced Doctor Sri.Sakthi Subramanyam. He is continuing it in Sun T.V Tamil channel in the morning 8.30 am - 9 a.m slot.|Now this telecast is not there. His  daughter, also professionally qualified like him, assists him in the demonstration.We thank these two doctors ,who are giving a wonderful demonstration (practical) as well as the remedies for many diseases. They show every herb used in the preparation of the medicines & how to prepare these medicines. A lot of people asks remedies for many diseases- like diabetic, removal of kidney stones, liver related  problems like jaundice.In addition to this,they have also discussed the reason for delay in…

Navrathri kolam For 9 days - Easy Navratri kolam Simple 2